Jose Mourinho ka reaguar ashpër me hyrjen e stafit mjekësor në fushë pas lëndimit të futbollistit Eden Hazard e veçanërisht me doktoreshën e skuadrës, Eva Carnerion. Pos që ka humbur kohën e cila ishte më se e nevojshme për Chelsea-n, në minutat e fundit të ndeshjes ajo ka nxjerrë jashtë nga fusha e lojës futbollistin më të mirë të kësaj skuadre, duke lënë Mourinhon me 9 futbollistë në fushë pas përjashtimit të portierit Cortua.
Chelsea nuk e ka nisur mjaft mirë sezonin e ri në Premier Ligën angleze. Kampionët kanë barazuar në shtëpi me Swansea-n. Por kjo nuk e ka nervozuar aq shumë trajnerin e kësaj skuadre, Jose Mourinho sa pakujdesia e staffit të tij. Doktoresha kryesore e skuadrës Eva Carnerio ka hyrë në fushën e lojës për t`i dhënë ndihmën Hazardit të lënduar dhe me këtë rast futbollisti është dashur të largohet nga fusha. Mourinho-n e kanë lëshuar nervat për një çast deri sa ka bërtitur: “naive!”
Mourinho është i njohur për temperamentin e tij; karriera e tij është e mbushur me skandale dhe me përplasje verbale e fizike me kundërshtarët, por tani i doli punë edhe me stafin e tij. /tesheshi.com/
