Kacifasi, njeriu që të dielën përndezi frymën anti-shqiptare në radhët e grekërve gjatë pëkujtimit të vrasjes së tij në Bularat, qe “i pranishën” dhe në një ceremoni për nder të ushtarëve greke të rënë në luftën Italo-Greke, në Grykën e Këlcyrës, aty ku në bazë të një marrëveshjeje mes dy vendeve, ka dhe një varrezë me eshtrat e tyre.
Edhe pse dy zhvillime pa lidhje, të afërm të të ndjerit Kacifas kanë gjetur rastin të shfryjnë sërish ndaj shtetit shqiptar, nën pretendimin se ai u vra për motive nacionaliste.
Ishte e motra e tije cila tentoi të ngrinte zërin e tërhiqte vëmendjen në ceremoni, duke thirrur:
“Shpirti i tij do të jetojë gjithmonë sado që disa anti-grekë po përpiqen të na pengojnë që të nderojmë kujtimin e Kostandinos Kacifas, vëllait tim. Turp dhe skandal i madh. Ne kemi të drejtë të kremtojmë përvjetorin e tij. Është e drejta jonë. Kemi të drejtën tonë fetare. Kemi të drejtat tona. Duam të na thonë pse e vranë? Pse e ekzekutuan vëllain tim Konstadino Kacifas”, teksa u pengua nga organizatorët që të hynte mes turmës të të pranishmëve.
Ceremonia quhet “Dita e JO-së” dhe organizohet çdo 28 tetor për të përkujtuar ditën kur kryeministri i kohës, Joanis Metaksas i tha “Jo” ultimatumit të Italisë për të hyrë pa rezistencë në tokën greke nëpërmjet kufirit shqiptar. /tesheshi.com/
