Kushtet e buta të motit janë ideale për momentin për kërkesën e kufizuar të gazit në Evropë, pas shkurtimeve të furnizimit nga Rusia.
Pasi importet e gazit rus, në të cilin Evropa është mbështetur prej kohësh, u reduktuan, udhëheqësit evropianë nxituan të blinin gaz natyror nga e gjithë bota për të mbushur depozitat.
Tani, për shkak të një kombinimi të motit jashtëzakonisht të ngrohtë dhe tregtisë së suksesshme, magazinat janë pothuajse plotësisht të mbushura, edhe para se shumë qytetarë të kenë filluar të ngrohin shtëpitë e tyre, transmeton Bloomberg.
Ka pasur gjithashtu një rënie të konsiderueshme në çmimet e gazit, të cilat tani janë më pak se një e treta e asaj që ishin gjatë pikut të verës, kështu që Europa tani ka më shumë gaz sesa mund të përdorë.
Megjithatë, është ende e mundur të ketë një periudhë të rrezikshme, nëse do kishte një të ftohtë ekstrem.
Mbingopje të paktën deri në dhjetor
Qeveritë gjithashtu kanë frikë nga sabotimet shtesë të termocentraleve, të cilat mund të ndikojnë në treg.
Megjithatë, situata në Evropë në tetor për sa i përket gazit është shumë më e mirë nga sa mund të kishin shpresuar politikanët.
Furnizimi me gaz nga Rusia ka ardhur duke u ulur gradualisht që nga viti i kaluar.
Rrjedha në tubacionin kryesor të gazit Nord Stream u pezullua për ca kohë këtë verë edhe para shpërthimeve.
Kushtet e buta të motit janë ideale për momentin për kërkesë të kufizuar, por udhëheqësit evropianë shqetësohen se çmimet më të ulëta të gazit, krahasuar me çmimet e verës, mund të nxisin konsum më të lartë me uljen e temperaturave.
“Trysja e gazit evropian pritet të zgjasë të paktën deri në dhjetor 2022. Nuk ka gjasa që një periudhë më e gjatë e ftohtë mund të godasë Evropën në nëntor”, tha Giacomo Masato, një analist dhe meteorolog nga kompania italiane e energjisë Illumia.
Vendet evropiane blenë shumë gaz natyror të lëngshëm (LNG) gjatë verës në mënyrë që të mbushin depot dhe të sigurojnë mbulimin e kërkesës së dimrit.
Anijet u rreshtuan përpara terminaleve të LNG-së
Sipas objektivit fillestar, niveli i gazit të depozituar ishte menduar të ishte 80 për qind deri më 1 nëntor, por ky synim u tejkalua shumë.
Ndërsa LNG vazhdon të arrijë, kërkesa për kapacitet LNG mbetet e fortë.
Nuk ka shumë prej tyre në Evropë, pjesërisht sepse kontinenti është mbështetur prej kohësh në gazin që vjen nga Rusia nëpërmjet tubacioneve të gazit.
Kjo është arsyeja pse anijet qëndrojnë në radhë para terminaleve të LNG.
Gjermania dhe Holanda kanë investuar në kapacitete të reja dhe disa prej tyre pritet të fillojnë funksionimin pas disa muajsh. /tesheshi.com/
