Situatat e vështira të krijuara në rrugë për shkak të motit të keq kanë bërë që ministri i Brendshëm, Saimir Tahiri të dalë në terren dhe të inspektojë personalisht disa zona.
Ai ka qenë në “Rrugën e Kombit”, nga ku ka pranuar situatën delikate dhe u ka bërë apel të gjithë qytetarëve që udhëtojnë në pjesën veriore dhe verilindore të vendit, të mos lëvizin pa zinxhirë në automjete.
Njëkohësisht ministri, duke thënë se të gjitha shtabet janë në gatishmëri dhe se fatmirësisht deri tani nuk ka pasur probleme kritike, u bëri apel banorëve të zonës dhe gjithë qytetarëve të tjerë që të evitojnë sa më shumë daljet nga shtëpia, veçanërisht gjatë natës.
“Sot nuk kemi asnjë problem, po menaxhohet e gjithë situata në të gjithë Shqipërinë. Unë e gjej këtë rast për t’u bërë thirrje edhe njëherë të gjithë qytetarëve, veçanërisht zonës veriore, verilindore, juglindore, të mos përdorin rrugën, të kufizojnë në maksimum lëvizjet, vetëm atëherë kur është absolutisht e domosdoshme, veçanërisht gjatë natës. Ditët që vijnë pas do jenë më të ftohta, moti përkeqësohet. Ndaj është e domosdoshme të marrim masa të gjithë qytetarët që të kufizojnë lëvizjet”, – u shpreh ministri./tesheshi.com/
