Temperaturat vijojnë të rriten ditë pas dite, megjithëse zyrtarisht jemi në stinën e vjeshtës, ku mëngjesi dhe mbrëmja janë më të freskëta.
Por, meterologët parashikojnë se rritja do të vazhdojë duke filluar nga e hëna dhe në ditët në vazhdim të javës së ardhshme, ku temperaturat maksimale do të arrijnë deri në 30 gradë celsius.
Gjatë ditës nesërme, sipas Meteoalb, pritet një rritje e lehtë temperaturash në mëngjes dhe mesditë.
Kthjellimet mbeten dominante në territor deri në orët e pasdites kur vranësira të përkohshme shfaqen në ekstremet Verilindore – Juglindore të vendit.
Mbrëmja dhe orët e natës vijojnë me kthjellime në ultësirën perëndimore por vranësira të lehta do të ketë në ekstremin Verior dhe zonat kufitare Lindore.
Temperaturat e ajrit rriten lehtë në mëngjes dhe mesditë, duke bërë që maksimumi në rang vendi të ngjitet mbi 29°C. /tesheshi.com/
