Zonat Veriore dhe Qendrore do të dominohen nga vranësira dhe rrebeshe të përkohshme shiu deri në mesditë, kur shirat zhvendosen kryesisht drejt zonave jugperëndimore.
Pasditja do të karakterizohet nga vranësirat dhe shirat kryesisht në zonat qendrore, ndërsa shira më të dobët do të ketë në veri dhe jug të vendit.
Në mbrëmje do të ketë një stabilizim gradual të kushteve atmosferike në të gjithë territorin, por vranësira kalimtare mund të ketë herë pas here deri mëngjesin pasardhës.
Sipas MeteoAlb, temperaturat e ajrit do të pësojnë një rënie me 2-3°C në të dy vlerat ekstree ditore duke bërë që maksimumi në rang territori të zbresë 30°C.
Era do të fryjë mesatare me shpejtësi mbi 40 km/h nga drejtimi jugor dhe jugperëndimor duke bërë që në brigjet detare të gjenerohet dallgëzim 3-4 ballë. /tesheshi.com/
