Reagimet e para të ndërkombëtarëve lidhur me shtyerjen e votimit të Demarkacionit në Kuvendin e Kosovës, kanë shfaqur zhgënjimin e tyre për këtë veprim. Raportuesja Ulrike Lunaçek dhe ajo e për liberalizim të vizave, Tanja Fajon, janë shprehur të keqardhura që me Demarkacionin nuk “u lanë duart”.
Në llogaritë e tyre respektive në twitter, Lunaçek dhe Fajon kanë kujtuar votimin e liebarlizimit të vizave të hënën e ardhshme në Parlamentit Evropian, si për të thënë se këtij procesi duhej t’i paraprinte votimi i Demarkacionit
“Parlamenti Evropian është serioz në mbështetjen e Kosovës në procesin e liberalizimit të vizave”, shprehet Lunaçek, duke shtuar më tej se “Kosova duhet të përmbushë të dyja kriteret e mbetura për liberalizim të vizave”.
I njëjtë në frymë ka qenë dhe reagimi i Tanja Fajonit, kur është shprehur se “të gjithë duhet të jemi të njëzëshëm për të ecur përpara me marrëveshjen për Demarkacionin”, si kusht për liberalizimin e vizave
“Plani im është që të procedohet me votimin për udhëtimin pa viza për Kosovën”.
“Topi është tani është në fushën e saj”, ka thënë Fajon. /tesheshi.com/
