Agjencia e inteligjencës izraelite Mossad njoftoi se ka arritur të rikuperojë një orë dore që i përkiste spiunit të famshwm izraelit Eli Cohen, i cili ka punuar për vite të tëra në Siri nën emrin Kamel Amin Thabit, ku u zbulua dhe u var në sheshin qendror të Damaskut.
Orar u kthye me anë të një operacioni të veçantë të Mossadit.
Pas konfirmimit të origjinalitetit të saj, shefi i Mosadit. Yossi Cohen do ta dorëzojë orën në familjen e Eli Cohen gjatë një ceremonie të posaçme.
Ora është shfaqur në selinë e Mossad-it dhe do t’i caktohet familjes pas festave të ardhshme hebraike Rosh Hashana.
Gazeta izraelite Yedioth Ahronoth, tha se kryeministri izraelit Benjamin Netanyahu ka përgëzuar Mossad-in për operacionin e suksesshëm, por nuk janë shpalosur detaje dhe nëse ajo është bërë në territorin sirian.
Në një deklaratë të lëshuar të enjten, qeveria izraelite tha se pas ekzekutimit të Cohen, “ora e tij mbeti në territorin e armikut”.
Në vitet e fundit, autoritetet siriane nuk kanë pranuar të kthehen në Izrael eshtrat e Cohen, i cili është varrosur në një vend të fshehtë.
Ish-kryeministri izraelit, Ariel Sharon është një nga udhëheqësit izraelitë që kërkuan kthimin e mbetjeve mortore të tij.
Izraeli ka bërë të ditur se Cohen ka dhënë një kontribut të madh në ofrimin e informatave të ndjeshme në lidhje me fortifikimet ushtarake siriane dhe vendet e artilerisë së rëndë në Lartësitë Golan, të cilat çuan në rënien e zonave të lehta në duart e Izraelit, në qershor të vitit 1967.
Vitin e kaluar, Rusia kërkoi nga Damasku të kthejë eshtrat e Cohen në Izrael, por autoritetet siriane thanë se nuk dinin se ku ishte varrosur. /tesheshi.com/
