Qartë e prerë: BE ka kërkuar nga Kurti themelimin e Asocacionit, por jo njohje, siç kryeministrit i Kosovës ka kërkuar.
Këtë e ka bërë me dije Borell pas tryezës së dështuar të Brukselit, duke qenë dhe ai kundër qëndrimit kosovar me kahmbajtje serbe.
“Fatkeqësisht, pas një takimi të gjatë, kryeministri Kurti nuk ka qenë i gatshëm që të ecë përpara me fillimin e një procesi të besueshëm për themelimin e Asociacionit. Në vend të kësaj, ai ka insistuar që të formalizohet njohja de fakto si hap i parë. Jemi përpjekur shumë, por për fat të keq, sot nuk ka qenë e mundur të thyhen dallimet”, deklaroi Borell pas takimit të sotëm në Bruksel.
Pos kësaj, pala ndërmjetësuese europiane ka kërkuar dhe dorëheqje të katër kryekomunarëve kosovarë në veri, duke mbajtur pë kështu anën e Serbisë, gjë të cilën Kurti nuk e ka pranuar.
“BE e sheh dorëheqjen e kryetarëve që janë zgjedhur nga vetëm tre për qind e popullatës, si rruga më e shpejtë e më e mirë që të mundësohen zgjedhjet e reja. Procedura tjetër për të kërkuar largimin nëpërmjet peticionit është tepër e gjatë dhe e pasigurt”, ka thenë Borell.
Përgjigja që ka marrë nga Kurti, jashtë tryeze, ka qenë kjo: “Nuk mund ta shtysh dikë të japë dorëheqjen. Ky është mentalitet diktatorial. Kjo nuk mund të bëhet në Kosovë, jemi shtet demokratik, në Serbi ndoshta”. /tesheshi.com/
