Një takim i Këshillit të Sigurimit të OKB-së, ku do të diskutohej armëpushimi në Siri, është anuluar për shkak të mosmarrëveshjeve mes SHBA-ve dhe Rusisë.
Mes palëve nuk është gjetur gjuha e përbashkët në negociatat me dyer të mbyllura për bërjen të njohur Këshillit të Sigurimit të hollësive të armëpushimit.
Moslejimi i ndihmave humanitare që të hyjnë në Siri ka qenë gjithashtu një çështje debati, siç informon France 24.
Mësohet se sekretari amerikan i Shtetit, John Kerry, i ka telefonuar dje më herët homologut rus, Sergey Lavrov, duke e dënuar shtyrjen e përsëritur dhe të papranueshme të ndihmës humanitare.
Kerry i ka thënë Lavrov-it se amerikanët presin që Rusia ta shfrytëzojë ndikimin mbi regjimin e Esadit për t’i lejuar autokolonat humanitare të OKB-së të arrijnë në Halep e në rajone të tjera të Sirisë.
“Sekretari e bëri të qartë se Shtetet e Bashkuara muk do ta krijojnë me Rusinë Qendrën e Përbashkët të Zbatimit nëse nuk përmbushen kushtet e pranuara për hyrjen e ndihmës humanitare,” deklaroi zëdhënësi John Kirby.
Shqetësimin e thellë për bllokimin e ndihmave humanitare nga regjimi sirian e ka shprehur dhe presidenti Obama.
Armëpushimi në Siri është respektuar në tërësinë e tij, por bllokimi i ndihmave humanitare është kthyer aktualisht në problemin më madhor. /tesheshi.com/
