Valdete Daka, gruaja në krye të KQZ-së së Kosovës, pretendon të ketë kërcënuar pas një vendimi të institucionit që ajo drejton, ku 49 emra kandidatësh, mes tyre dhe Albin Kurtit, ndonëse emrat e tyre s’janë bërë publike, duhet të përjashtohen nga kandidimi për zgjedhjet e 14 shkurtit, pasi kanë dënime nga gjykata në tre vitet e fundit.
Menjëherë pas kësaj, nga VV pati akuza në drejtim të Dakajt.
“Personi i cili ne KQZ po ndikon qe edhe kërkesa me qene sugjestive dhe kundër Albin Kurtit është Valdete Daka. Ata kurgjo nuk po zbatojnë, po dojne eliminim politik”, tha Glauk Konjufca, nja nga zërat e Vetëvendosjes.
Daka nga ana e saj tha se “Kërcënimet publike ndaj meje dhe shqetësimet që po i përjeton familja ime, janë të paprecedente dhe të rrezikshme”.
“Akuzat e partive politike, në adresë të KQZ-së dhe në adresë time personalisht, janë ndërhyrje e drejtpërdrejtë në punën e institucionit, për ta pamundësuar zbatimin e Kushtetutës dhe Ligjeve në fuqi”, ka thënë Daka në konferencë për mediat. /tesheshi.com/
