Pas dështimit për ta destabilizuar Malin e Zi, Rusia nuk po rresht së ndërhyri në Ballkan duke tentuar të ndalojë një qasje europiane të Serbisë, dhe natyrisht të Malit të Zi.
Moska ka rinisur të trazojnë politikën në Serbi duke futur në sherr politikën e Beogradit, dhe më konkretisht mazhorancën qeverisëse të Partisë Progresisite të kryeministrit Aleksandër Vuçiç.
Janë katër zhvillime të rëndësishme që japin sinjale për zhvillime në Serbi. Konkretisht, Moska kërkoi zyrtarisht mbajtjen e një referendum në Mal të Zi për anëtarësimin në NATO.
Zhvillim tjetër është një takim i presidentit serb, Tomoslav Nikoliç me ambasadorin rus në Beograd; një vendim i ministrit të Brendshëm të Serbisë, Stefanoviç për të ndaluar mitingjet apo tubimet spontane; dhe një intervistë e kryeministrit malazez, Milo Gjukanoviç në radion Evropa e Lirë.
Moska paralajmëron Podgoricën
Zëdhënësja e Ministrisë së Jashtme ruse, Maria Zakharova, deklaroi për agjencinë zyrtare të lajmeve TASS se Mali i Zi duhet të zhvillojë një referendum për hyrjen në NATO, pas ftesës zyrtare që iu bë këtij vendi nga Alanca e Atlantikut të Veriut.
Zaharova deklaroi se më pak se gjyska e popullsisë e përprah anëtarësimin në NATO.
“Situata në Mal të Zi është e vështirë. Ne po flasim për një krizë të brendshme politike që u shoqërua nga protesta popullore. Pra, ndarjet e brendshme janë prezente në shoqërinë malazeze, në radhë të parë për çështjen e anëtarësimit të vendit në NATO. Ndaj ne rekomandojmë një referendum popullor ku të vendoset nga njerëzit nëse duhet apo jo që ky vend t’i bashkohet Aleancës së Atlantikut të Veriut.
Nikoliç
Ka rënë mjaft në sy deklarata e presiendit Nikoliç një ditë pasi Bashkimi Europian deklaroi se do të hapë negociatat e anëtarësimit me Serbinë, pas lëvizjes pozitive të qeverisë së Beogradit për një qëndrim konstruktiv ndaj Kosovës.
Siç bën të ditur B92, një takim i rregulluar për festat e fundvitit mes presientit serb Tomislav Nikoliç dhe ambasadorit të Rusisë në Serbi, Aleksandr Chepurin ka lëshuar një mesazh të fortë politik.
Chepurin i ka dorëzuar kreut të shtetit serb një mesazh urimi nga ana e homologut të tij rus, Vladimir Putin.
Presidenti rus ka deklaruar se “shpreson që kontaktet thelbësore dhe konstruktive mes dy vendeve të vazhdojnë edhe në të ardhmen.
Në vitin e ardhshmëm duhet të ecë përpara shpirti i marrëdhënve strategjike. Projekte të reja me përfitime dyanëshe janë lançuar në disa fusha. Duhet të mësojmë nga trashëgimia e së shkuarës dhe duhet të vazhdojmë së bashku. Shpresoj për më të mirën e vëllazërisë mes popullit rus dhe atij serb”.
Këtij “provokacioni” politik të Putin, Nikoliç i është shprehur në unison me kreun e Kremlinit.
“Serbia do të vazhdojë t’i mbetet besnike rusisë”, i ka thënë Nikoliç ambasadorit Chepurin.
Siç citon B92, Nikoliç ka shkuar më tej duke thënë se “Kjo është një hapësirë që i takon popullit dhe ne ekzistojmë për të plotësuar dëshirat e tyre dhe populli serb dëshiron marrëdhënie të ngushta me Rusinë”.
Duke e shtrirë në rrafshin ekonomik, presidenti serb kërkoi investime të mëdha ruse në treun e vendit të tij.
Dhe duke marrë shkas nga lufta ruse në Siri, Nikoliç ka hiperbolizuar se “vetëm Rusia e Madhe mund ta mbysë të keqen”.
Stefanoviç
Një draft mbi mbledhjet publike ka shkaktuar debat në Serbi dhe është akuzuar ministri i Brendshëm Nebojsha Stefanoviç se po synon të ndalojë mitingjet spontane që mund të kryhen në Serbi.
Stefanoviç, siç thekson B92, ka deklaruar se nuk ka ngushtim të lirisë por vetëm një kontrollim të situatës.
Gjukanoviç.
Kryeministri i Malit të Zi, Milo Gjukanoviç, ka deklaruar në një intervistë për radion Evropa e Lirë se situata e Kryeministrit serb Aleksandër Vuçiç i cili po has rezistencë pas qëndrimit për një integrim europian të Serbisë, është delikate.
“Kemi folur me Vuciç në lidhje me eksperiencën e Malit të Zi, që prej 10 vjetësh ka shprehur hapur qëndrimin strategjik drejt integrimeve euratlantike. Në fakt, eksperienca e Serbisë në këtë më e shkurtër, që do të thotë që rezistenca ndaj kësaj rruge është e madhe, madje më e madhe se ajo që haste tek ne. Është e tmerrshme në Ballkan kur ndërmerr një politikë filo-europiane.
Ka një numër të madh njerëzish që kanë frikë nga vlerat europiane, kanë frikë nga e reja, dhe ky është problem i madh”, ka thënë Gjukanoviç.
Përgatiti: Ylli Pata – /tesheshi.com/
