Zëdhënësja e Ministrisë së Jashtme ruse Maria Zaharova tha se nuk pajtohet me deklaratën e Komisionerit të ardhshëm Evropian për Punë të Jashtme dhe Siguri, Joseph Borel se nëse Kina, India dhe Rusia nuk e njohin Kosovën, ajo nuk do të jetë shtet, duke thënë se Kosova de fakto nuk është shtet.
“Unë nuk jam dakord me të, sepse Kosova nuk është shtet por një përpjekje e një numri vendesh për të nxitur me forcë njohjen e këtij territori problematik në formën e shtetësisë. Ky nuk është një shtet”, tha Zaharova në një konferencë shtypi në Moskë.
Ajo kujtoi qëndrimin e Rusisë për Kosovën, duke thënë se ishte një shkelje e rëndë e ligjit ndërkombëtar dhe një shkelje e sovranitetit dhe integritetit territorial të Serbisë, raporton Sputnik.
Sipas saj, për momentin të gjitha këto rezoluta që janë miratuar, “janë të pavlefshme”.
Zaharova shtoi se përkundër vlerësimeve politike të bazuara në të drejtën ndërkombëtare, ekziston edhe një realitet politik, i cili ka treguar se Kosova si një “shtet” nuk është i suksesshëm në asnjë mënyrë – as legjislative dhe as reale në botën bashkëkohore. /tesheshi.com/
