Rusia ringjall Traktatin e Varshavës dhe kërkon shtrirjen e strukturës kundërshtare të NATO-s edhe në Ballkan.
Me kalimin e kohës po kuptohet gjithnjë e më shumë qëllimi i kundërshtimit të pranimit të Malit të Zi në NATO, pasi po i ikën jo thjeshtë influence gjeopolitike por edhe ushtarake.
Ky organizim i ngritur nga Putin, quhet Traktati për Sigurinë Kolektive dhe Sekretari i Përgjithshëm i kësaj organizate, Nikolai Bordyuzha ka vizituar Beogradin.
Siç bën të ditur B92, Bordyuzha është takuar me ministrin e Mbrojtjes së Serbisë, Zoran Gjorgjjeviq, dhe kanë biseduar për “sfidat globale në kushtet e neutralitetit ushtarak të Serbisë”.
Në komunikatën për shtyp, theksohet se është biseduar në lidhje me “misionet e përbashkëta paqeruajtjëse që kërcënojnë paqen por edhe trafiqeve të drogës dhe terrorizmit”.
Pra bëhet fjalë në mënyrë të hapur për misione ushtarake të përbashkëta edhe pse Beogradi bën të ditur se është neutral.
Ndërkaq, në komunikatën e shtypit të Ministrisë së Mbrojtjes së Serbisë, të referuar nga B92, theksohet se “në situatën politike ekstremisht komplekse Republika e Serbisë do të vazhdojë të forcojë bashkëpunimin bilateral me CSTO-në (kështu quhet tani Traktati i ringjallur i Varshavës), në veçanti me Rusinë, Bjellorusinë dhe Armeninë.
Në takim ka marrë pjesë edhe zv.shefi i shtabit të ushtrisë serbe gjenerali, Jovica Draganiq, ambasadori rus, Aleksandr Chepurin dhe përfaqësues së Ministrisë së Brendshme.
Nikolai Bordyuzha është pritur edhe nga Kryeministri serb, Aleksandër Vuçiq. Kreu i qeverisë serbe e ka justifikuar pjesëmarrjen në “Traktatin e ri të Varshavës” me domosdoshmërinë sipas tij të “luftës ndaj terrorizmit dhe emigracionit të paligjshëm”. Pra së shpejti trupa të përbashkëta: ruse, serbe, armene dhe bjelloruse do të rreshtohen në kufinjtë ballkanik duke rrezikuar në mënyrë të hapur stabilitetin dhe paqen në rajon. Kjo do të thotë se një ekuilibër i ri forcash do të instalohet duke rikthyer atmosferën e Luftës së Ftohtë.
Vizita e zyrtarit të lartë të organizatës ushtarake së ngritur nga Moska parasheh nisjen e një serie operacionesh dhe manovrash në Serbinë Jugore, përkatësisht në Nish ku ndodhet edhe e ashtuquajtura “Qendër humanitare serbo-ruse”.
Për këtë qendër Bashkimi Europian tha para pak ditësh se bëhet fjalë për qendër të spinazhit të Moskës.
Në Ballkan, përveç Serbisë dhe Bosnjë-Hercegovinës të gjitha vendet e tjera janë anëtare të NATO-s.
Edhe Kosova që nuk është ende anëtare ka Brenda territorit të saj një mission të Aleancës Atlantike siç është KFOR dhe bazën më të madhe amerikane në rajon-Bondsteel.
/tesheshi.com/
