Deklaratat e bëra nga Zv.Presidenti amerikan Mike Pence në Podgoricë, se Rusia është duke punuar për të ndarë Ballkanin nga Perëndimi, ka sjellë reagimin e Moskës zyrtare.
“Këto fjalë tregojnë mentalitetin e Luftës së Ftohtë të Uashingtonit”, u tha nga Ministria e Jashtme ruse.
Në deklaratën reaguese thuhet se “alternativa e zgjedhjes ‘ose me Perëndimin ose me Rusinë’ që iu imponohet vendeve të Ballkanit, në mënyrë të pashmangshme çon në rritjen e tensioneve dhe destabilizon situatën në rajon”.
“Ne i bëjmë thirrje kolegëve amerikanë të pushojnë së shpifuri për Rusinë dhe politikën e saj të jashtme, e cila është gjithmonë e bazuar në respektin për partnerët dhe gatishmërinë për punë konstruktive të përbashkët, duke marrë parasysh interesat e përbashkëta”, thuhet më tej në deklaratën e Ministrisë së Jashtme ruse.
Pence dje në Podgoricë, tha se Rusia po përpiqet të tërheqë kufinj të rinj ndërkombëtare me forcë, dhe se ka tendenca të destabilizimit të situatës në rajon. /tesheshi.com/
