Moska ka bërë të ditur se përgjigja ndaj dëbimit të 23 diplomatëve rusë nga Britania do të jetë e ashpër dhe me të do të merret personalisht nga presidenti Vladimir Putin.
Dmitri Peskov, zëdhënësi i Kremlinit ka deklaruar se “vendimi nuk ka dyshim që do të mbrojë fort interesat e Federatës Ruse”.
Situata është shumë e rëndë për kryeministren britanike Theresa May, e cila është nën sulmin e opinionit publik, pasi mediat kanë nxjerrë fakte se Partia Konservatore është financuar nga biznesmenë rusë gjatë fushatës së Brexit-it.
Nëse del i vërtetë ky fakt, atëherë May ka shumë gjasa që të largohet.
Kryeministrja britanike ka telefonuar menjëherë presidentin francez, Emanuel Macron, pasi ky i fundit nuk u rreshtua për të dënuar Moskën. /tesheshi.com/
