Moska do të marrë të gjitha masat e nevojshme ushtarake për të garantuar sigurinë e tyre, tha Alexander Grushko.
Zëvendësministri i jashtëm rus, Alexander Grushko tha se plani i ri NATO-s për të forcuar gatishmërinë luftarake në Evropë, do ta përkeqësojë sigurinë e kontinentit, duke shtuar se Moska do të marrë këtë në konsideratë kur të bëjë planet e saj të luftës.
Zyrtarët perëndimorë thanë javën e kalyar se Shtetet e Bashkuara po bëjnë presion mbi aleatët evropianë që të blejnë më shumë anije dhe aeroplanë luftarakë, të shtojnë e forcojnë strukturatme kontigjente njerëzore, për ta bërë NATO-n më të fuqishme përballë Rusisë.
Sipas Interfax, Grushko ka kritikuar këtë nismë dhe tha se Moska do të marrë të gjitha masat e nevojshme ushtarake për të garantuar sigurinë e vet.
Nëntë vendet anëtare të NATO-s në krahun lindor të Aleancës, së fundmi u pajtuan që të bashkëpunojnë më ngushtë, si një mënyrë për të përforcuar sigurinë e tyre në dritën, siç është thënë, “agresive” të Rusisë. /tesheshi.com/
