Ish-presidenti rus Dmitry Medvedev ka reaguar ndaj lajmeve se Gjermania do të mbyllë gazsjellësin rus Nord Stream 2.
“Kancelari gjerman Olaf Scholz ka lëshuar një urdhër për të ndaluar procesin e certifikimit të gazsjellësit Nord Stream 2.
Mirë se vini në një botë të re të guximshme në të cilën evropianët së shpejti do të paguajnë 2000 euro për 1000 metra kub gaz natyror!”, shkroi Medvedev.
Kujtojmë: Gjermania do të pezullojë menjëherë certifikimin e gazsjellësit Nord Stream 2, i cili mbështetet nga Rusia, njoftoi të martën kancelari gjerman Olaf Scholz pasi Moska njohu dy rajonet e shkëputura të Donbasit – Donetsk dhe Lugansk.
Në një deklaratë të sapolëshuar, Scholz tha se nuk mund të jepet drita jeshile për tubacionin në dritën e ngërçit aktual midis Rusisë dhe Ukrainës.
Scholz shpjegoi se ai i kërkoi Ministrisë Federale të Ekonomisë që të ndërmarrë hapat e nevojshëm administrativë në mënyrë që tubacioni i gazit të mos mund të certifikohej tani për tani.
Mbrëmë, gjatë fjalimit të tij drejtuar kombit dhe botës, Presidenti i Rusisë, Vladimir Putin, nënshkroi njohjen e Republikave Popullore të Donetskut dhe Luhanskut, pjesë të shkëputura të Ukrainës.
Nga ana tjetër, presidenti amerikan Joe Biden nënshkroi një dekret për sanksione për njohjen nga Rusia të sovranitetit të Republikës Popullore të Donetskut dhe Republikës Popullore të Luhanskut (DNR dhe LNR).
Dokumenti, ndër të tjera, i ndalon amerikanët të financojnë dhe investojnë në DPR dhe LPR, si dhe të bëjnë tregti me këto dy territore. /tesheshi.com/
