Moska e me shqetësim faktin e një lidhjeje jo të fortë me Tiranën zyrtare. Vetë kryeministri Rama është treguar i ftohtë me rusët, madje ka shprehur shqetësim për tendencat e tyre për ndikim në Ballkan, duke mos iu mëshuar asnjëherë sa ashtë në pushtet, raporteve të afërta me ta. Ndaj dhe ambasadori Karpushin shfaqi pezmin e tij ndaj këtij realiteti, kur gjatë një aktiviteti kulturor në Berat, tha se marrëdhëniet mes Shqipërisë dhe Rusisë kanë ende shumë probleme.
Ai ka kujtuar kohërat kur rusët e shqiptarët edhe u familjarizuan kulturalisht me njëri-tjetrin.
Mjafton të vizitosh një librari në Shqipëri dhe shihet qartë që 30% e librave që janë në shitje janë përkthime të veprave bashkëkohore dhe klasike të letërsisë ruse…” “….ndërkohë që romancat dhe ariet operistike janë bërë edhe pjesë e repertorit të artistëve më të famshëm shqiptarë”, ka thënë përfaqsuesi i Moskës në Tiranë.
Dhe në fakt ka të drejtë. Si pasojë e raporteve të afërta ideologjike përgjatë viteve të luftës por sidomos më pas, një pjesë e mirë e elitës shqiptare u shkolluar dhe u edukua në Rusi. Kjo bëri që kultura ruse të zinte një vend jo të vogël në shijet kulturore shqiptare për dekada me radhë. Kujtojmë se dhe rusishtja ishte gjuhë e detyrueshme në shkolla. /tesheshi.com/
