Rusia ka bojkotuar samitin e organizuar nga Shtetet e Bashkuara të Amerikës për Sigurinë Bërthamore.
Moaska nuk ka denjuar të marrë pjesë në takimin ku janë të pranishëm krerët e 50 shteteve nga e gjithë bota, madje edhe Kina, aleatja e ngushtë e Rusisë.
Fuqitë e Mëdha u mblodhën në Uashington në një samit mbi sigurinë bërthamore në një kohë kur terroristët po kërcënojnë me përdorimin e armëve nukleare apo dhe i janë afruar centraleve atomike.
Një kërcënim në këtë kuadër është edhe Koreja e Veriut, e cila po kërcënon me raketat e saj.
Ndaj për këtë Presidenti amerikan Barack Obama dhe kreu i shtetit kinez, Xi Jinping arritën një marrëveshje për të bashkëpunuar në sigurinë bërthamore.
Në deklaratën e përbashkët, palët zotohen për vazhdimin e bashkëpunimit në parandalimin e terrorizmit bërthamor dhe për avancimin drejt objektivave të Samitit të Sigurisë Bërthamore.
Dy palët u zotuan gjithashtu të punojnë ngushtë për t’u siguruar që materialet bërthamore të mos bien në duart e gabuara.
Kina dhe ShBA-ja do të ofrojnë fonde dhe ekspertizë për agjencitë ndërkombëtare që kanë të bëjnë me sigurinë bërthamore.
Në një periudhë kur sulmet terroriste janë në përshkallëzim dhe kur janë rritur kërcënimet bërthamore të Koresë së Veriut, liderët botërore shtrojnë në tryezë temat e sigurisë globale.
Rusia, për të cilën ndjehet shqetësimi i armatimit bërthamor dhe që po përjeton tension me Perëndimin, nuk merr pjesë në këtë Samit.
Ndërkaq edhe Pakistani që është një nga vendet më shumë prodhuese të armëve bërthamore, nuk merr pjesë në këtë Samit./tesheshi.com/
