Në një dalje për shtyp për të dhënë konsideratat e tij mbi mos’hapjen e negociatave, kreu demokrat Basha i dha të drejtë njeriut që u bë shkak për këtë, e që këto orë edhe po kritikohet nga të gjitha kancelaritë perëndimore: Manuel Macron.
Macron kërkon të reformojë verifikimin e së vërtetës për Ballkanin. Nuk shkohet në Europë me ‘Toyota Yaris’ dhe as me paratë e tyre. Macron po kërkon reformë për kontrollin e atyre që duan të hyjnë në klubin e vendeve më të pasura të botës.
Shqiptarët ikin në Francë se të drejtat janë njëlloj, trajtimi para ligjit është i njëjtë. Macron po kërkon të reformojë mënyrën si vendet e ardhshme do të kontrollohen që të mos kenë dështime si në rastin e Bullgarisë dhe Rumanisë”, tha Basha, ku në ligjërimin e tij bëri një ndërthurje mes “Jo”-së për negociatat dhe zhvillimeve të brendshme. Në këtë pikë, ai për herë të parë artikuloi kërkesën për përsëritjen e zgjedhjeve lokale.
“Rruga për hapjen e negociatave shkruhet në 9 kushtet e Bundestagut. Përsëritja e zgjedhjeve të 30 Qershorit sipas një kodi të ri. Dua të konfirmoj edhe njëherë se jemi të vendosur për të bërë gjithcka për të mos e pranuar gjendjen e sotme, tërësisht dhe kryekëput përgjegjësi e një njeriu që sot po të kishte pasur një fije patriotizmi, duhet të kishte dhënë dorëheqjen dhe asgjë më pak, por as unë dhe as ju nuk e prisnim, ndoshta ndonjë socialist idealist”, tha Basha. /tesheshi.com/
