Spartak Ngjela, i njohur si “avokati”, ka bërë një vlerësim të çuditshëm në lidhje me zbukurimin e Tiranës këtë fundvit nga ana e kryetarit të Bashkisë, Erion Veliaj.
Në një status në FB, “avokati”, si për ta bërë më bindës vlerësimin e tij për stilin e Veliajt në dekorimin e Tiranës, ka thënë se ai, Veliaj pra, ka flakur tutje mjedisin arab dhe otoman që e kishte lënë Basha.
“E pashë me interes dhe kënaqësi ndriçimin festiv të Tiranës sonte…ishe i bukur…por më impresionues ishte fakti që kryetari Velia e kishte “flakur” krejt nga mjedisi karakterin arab të ndriçimit festiv që ishte deri vjet. Sukses kundër otomanizmit, është kjo arritje. Kryetari i ri duhet ta kthejë në sistem shrrënjosjen e karakterit oriental të Tiranës. A do ta bëjë dot?”.
Ky është mesazhi i avokat Ngjelës, prej të cilit nuk ka më pas asnjë referencë krahasuese se për ç`stil otoman apo arab zbukurimi bëhet fjalë, aq më tepër që kur është fjala për dekorime qytetesh për Krishlindje apo Vit të Ri, për të cilat si otomanët e si arabët nuk kanë asnjë lloj lidhje me këtë lloj tradite.
Kështu që nmbetet të thuhet se, edhe në rastin e avokat Ngjelës, mosha po bën të vetën. Kur hyn në pleqëri, çaprashitjet nis e shtohen. /tesheshi.com/
