Kryeministri maqedonas, Zoran Zaev, ka reaguar ashpër ndaj presidentit Ivanov pas deklarimit të tij se nuk do e votojë sërish Ligjin për gjuhët, pra atë e shndërron dhe shqipen në gjuhë për përdorim. Zaev e ka quajtur këtë si akt burracakërie.
“Mua më vjen keq që presidenti i shtetit vendosi tekstualisht të mos e respektojë Kushtetutën dhe deklaroi se sërish nuk do ta dekretojë ligjin. Kjo është shkelje flagrante e Kushtetutës së Maqedonisë. Por, njëkohësisht kjo për mua nënkupton burracakëri. Nëse ligji do të zbatohet, kjo përfundimisht do ta realizonte obligimin e fundit ligjor nga Marrëveshja e Ohrit”, deklaroi Zaev.
“Ligji për përdorimin e gjuhëve nuk do të ndryshojë asgjë në Maqedoni dhe as do ta prishë ardhmërinë e saj të përbashkët”, theksoi shefi i qeverisë së Shkupit. /tesheshi.com/
