Në foto është Igli Tare, futbollisti i njohur dhe drejtuesi i sukseshshëm i Lazio-s që po e “thyen pak” lodhjen me një dremitje të vogël.
Tare njihet si një nga drejtuesit e Serisë A më aktive dhe të suksesshëm si menaxherë.
Zakonisht i flasim më të moshuarve apo atyre që janë lodhur kur dremisin në divan dhe i themi që të shkojnë e shtrihen, duke ua nxjerrë gjumin.
Por nuk e kuptojmë që kjo është e dëmshme dhe madje mund të shkaktojë çrregullime në organizëm.
Në të shkuarën, parardhësit tanë që punonin shumë në fushë nëse kanë qenë bujq, në dyqan nëse kanë qenë tregtarë, apo shoferët e vjetër flinin “sa për ta thyer” dhe ishin “qefull” gjatë gjithë ditës.
Leh Valesa për shembull, presidenti legjendar i Polonisë dhe lider i Solidarnosnit, e kishte marrë ves kur punonte në kantjerin detar të Gdanskut që të dremiste herë pas here gjatë punës. Këtë zakon e ndoqi dhe në presidencë. Nuk pati shenja lodhjeje, madje edhe sot është “qiqër”.
Një studim i një universiteti mjaft prestigjoz në Britaninë e Madhe ka nxjerrë përfundimin se dremijta është shumë e dobishme.
Një grup studentësh nga Universiteti i Hertfordshire e kanë vërtetuar shkencërisht që dremitjet gjatë ditës na çlodhin.
Profesor Richard Wiseman, ka nxjerrë përfundimin se 30 minuta dremitje në ditë rrit përqendrimin dhe rendimentin.
Veç kësaj dremitjet duket se rrisnin dhe nivelin e hormoneve të lumturisë e na bëjnë me te qetë.
Studimi, i cili u zhvillua për Festivalin Ndërkombëtar të Shkencës në Edinburg mori në shqyrtim të dhënat e 1000 pjesëmarrësve, ku këta të fundit iu përgjigjen pyetjeve psikologjike në një sondazh online.
Duke studiuar ritualet dhe zakonet e gjumit, psikologët dolën në përfundimin se njerëzit që dremisnin të paktën një herë të ditë, ishin më të qetë dhe e kishin më të vëshitrë të kalonin situata stresuse. Studimi tregoi gjithashtu se 66% e njerëzve që pushonin në drekë ishin më të lumtur nga pjesa tjetër e njerëzve që flinin vetëm natën. /tesheshi.com/
