Ish-kryeministri Sali Berisha, për herë të parë dje në parlament ka shqiptuar një akuzë direkte dhe zyrtare që “ISIS financohet dhe armatoset nga paratë e drogës në Shqipëri.”
Një akuzë e tillë doli një vit më parë në mediat online për dy djem nga Lazarati që u arrestuan si autorë të vrasjes së oficerit të policisë, Ibrahim Basha.
Për ta, para se të ndodhte vrasja e efektivit, u tha se ishin ndjekës të ISIS por që akuza zyrtare e prokurorisë nuk e vërtetoi kurrë këtë fakt. Dhe nuk kishte si ta vërtetonte, gjersa bëhej fjalë për ca djem të hazdisur që edhe gjërat me peshë tragjike të kësaj bote u duken si lajme show-biz-i
E ndërkaq pra, dje në Kuvend për herë të parë në politikën shqiptare u hodh një tezë e cila është përdorur para disa kohësh por që u la në harresë, që ISIS pra ka si bazë financimin nga droga në Shqipëri, prej ku merr dhe armët.
Kjo tezë nuk ka pasur bazë nga asnjë organizatë ndërkombëtare apo agjenci ligjzbatuese të vendeve të NATO-s.
Por një shtetar i rëndësishëm si ish-kryeministri Sali Berisha, e paraqiti atë si një variant serioz dje në Kuvend.
“Edhe një herë jap alarmin se kjo situatë është më kërcënuesja për sigurinë kombëtare, dhe unë, i them shqiptarëve, i them Aleancës së Atlantikut të Veriut, Bashkimit Europian se në Shqipëri ISIS do të ketë minierat e floririt në kanabisin e kriminelëve shqiptar, e bandave shqiptare, i bëj thirrje komunitetit ndërkombëtar ta marrë këtë në mënyrën më serioze, të mos injorojë këtë fakt.
Zotërinj, a e lexuat shtypin italian se ëfarë shkruante? Shkruante se aeroporti i Ishmit ishte për transport armësh.
Këmbanat bien për të gjallët jo për të vdekurit, këto këmbana bien për Shqipërinë. Keni kaluar nga mushkonjat nëpër aeroporte në mushkonja për trafiqe kriminale, qoftë kanabis, qoftë kokainë, qoftë armë. Edhe një herë u them se kurrë s’ka qënë më e kërcënuar siguria kombëtare e këtij vendi, se një vend anëtar i NATO-s s’mund të bëhet kurrë kërcënim për aleatët e vet me kanabisin. Kemi detyrime të mëdha ndaj shqiptarëve dhe aleatëve tanë, sepse, në dhjetëra miliardë, dora e zezë e ISIS s’ka asnjë pengesë që të shtrihet. Dhe pastaj ëfarë do thoni ju aleatë të NATO-s që financoni shtetin më të kobshëm të kohërave, aktet më terroriste, ëfarë do thoni ju që ngritët një sistem aeroportesh për të transportuar armë, para drogë e ëdo gje? A nisi kjo me mushkonjat dhe përfundoi me aeroportin e Ishmit, aeroportin “Saje qorri”? A e dini ju që po ndërtohen aeroporte të tjera apo jo? Ja u them unë që po. Po ndërtohen aeroporte të tjera për trafiqe kriminale. Cfarë shteti jemi ne që eksportojmë vdekje për aleatët tanë. Dalin këtu në mënyrën më të neveritshme e shpifse dhe flasin se pska patur dhe më parë. Po, kishte, por kishte një luftë dhe kjo luftë bëhej. Pyesni autoritetet italiane, pas moratoriumit të skafeve dhe luftës ndaj trafiqeve, Italia hoqi kontrollin e hapsirës ujore në Shqipëri. Por ju besoni gënjeshtrat tuaja sepse ju nuk fluturoni me presh mbrapa, ju fluturoni me para mbrapa”.
Kjo ishte fjala e z.Berisha dje në Parlament.
Një vit më parë, media ruse e propogandës zyrtare, Sputnik, përkatësisht varianti në gjuhën serbe, theksonte se Kosova dhe Shqipëria janë baza financime të ISIS, që përdor kanalet e trafiqeve për t’u vetëfinancuar.
Sputnik theksonte se zona e Kukësit dhe e Prizrenit është pjesë e trafikut të mbetjeve radioaktive, drogës dhe armëve që shërben për të ushqyer terrorizmin.
Edhe një grup dokumentaristësh italianë që kanë bërë një film për Dombasin e Ukrainës, erdhën që të xhirojnë në Shqipëri, por e panë që teza e rusëve nuk ka bazë.
Por thënia publikisht nga ish-kryeministri Berisha pritet që ta aktivizojë edhe një herë këtë tezë që duket se do të trazojë ujrat. /tesheshi.com/
