Forcat demokratike të Sirisë të cilat përkrahen nga amerikanët, luftojnë në krahinën në të cilën SHBA-të kanë bazat e saj ushtarake të cilat duhet t’i mbrojë nga ISIL-i.
Pasi presidenti i SHBA, Barack Obama tha që vendi i tij do të dërgojë 250 forca shtesë në Siri me qëllim të luftës kundër ISIL-it, janë ngritur pyetje për qëllimin e këtij dërgimi, destinacionin e tyre, si dhe rezultatet të cilat priten nga një hap i tillë.
Obama ka ftuar unionin evropian dhe NATO-n që të investojnë me përpjekje shtesë në luftën kundër ISIL-it, dhe ka theksuar se qëllimi i këtij dërgimi është trajnimi i forcave aleate lokale, cilat kanë arritur suksese në luftën kundër këtij grupimi.
Kumtimi i i qëllimit të presidentit amerikan në lidhje me qëllimin e shtetit të tij që të dërgojë trupa shtesë, ka qenë më e madhja dhe e para e llojit të tillë që nga fillimi i konfliktit në Siri.
Uashingtoni, në tetorin e vitit të kaluar u ka dërguar njësive kurde një ngarkesë me armatim e cila ka përfshirë automjete të blinduara, raketa antitank, mbi 80 tonë municion dhe pajisje dhe uniformë ushtarake.
SHBA me 7 mars ka përfunduar zgjerimin e pistës në bazën ajrore në qytetin Ramelan në krahinën siriane të Hassakah, ndrsa akoma është në ndërtim baza tjetër ajrore në juglindje të Kobanit, në vetë kufirin siriano-turk.
Rezultatet e prekshme
Aktivitetet ushtarake amerikane të ndërmarra kundër fraksioneve të caktuara në territorin sirian, deri më tani kanë rezultuar me humbjen e kontrollit të ISIL-it në qytetin Koban dhe rajonin rural të pjesës veriore të qytetit Rakka, si dhe provincën përëndimore të qytetit Hassaka, në afërsi të rajoneve të mëdha në periferi të pjesës jugore të Hassaka-s.
Betejat të cilat janë ndërmarrë në gjithë këtë rajon janë kryer nën mbikqyrjen e 50 ushtarëve amerikanë, përfshirë zyrtarë të rangut të lartë të cilët kanë lëvizur në mes këtyre territoreve.
Sipas vëzhguesve, betejat më të ashpra kundër grupeve të ISIL-it zhvillohen në frontet e provincës veriore të Halepos në kufi me Turqinë, mes luftëtarëve të ISIL-it dhe fraksioneve të armatosura siriane të cilët kanë mbështetje të artilerisë turke dhe aviacionit të koalicionit ndërkombëtar, e cila do të jetë sipas gjasave përgjegjëse për forcat amerikane, dërgimi i të cilëve është planifikuar .
Në këtë kontekst, koloneli Ahmed Osman, komandanti i Divizionit “Sulltan Murat” i cili lufton kundër ISIL-it në atë rajon , tregon se si ata janë njoftuar nga mediat për qëllimet e Washingtonit që të dërgojë 250 ushtarë në Siri, si dhe, se nuk ka pasur kurrëfarë koordinimi në mes të forcave në lidhje me këtë çështje.
Osmani shton se as fraksionet tjera nuk kanë informata në lidhje me këto aktivitete të forcave amerikane.
Kurdët përshëndesin vendimin
Shervan Dervish, zëdhëns zyrtar i anës tjetër e cila lufton kundër grupit ISIL-it në terren nën përkrahjen e aviacionit të koalicionit ndërkombëtar të ashtuquajtuarit forcat demokratike të Sirisë. në të cilat njësitet kurde të mbrojtjes popullore përbëjnë kornizën apo skeletin, thotë: Ne jemi e vetmja forcë e cila ka arritur fitore në terren kundër ISIL-it.
Shervan më tej shton se koordinimi në mes tyre dhe forcave të koalicionit ndërkombëtar është e vazhdueshëm, se ka arritur nivelin e lartë, dhe se dërgimi i këtyre forcave do të kontribojë në atë që do të përshpejtohet tempoja e realizimit të fitores.
Në lidhje me zonat në të cilat do të shpërndahen këto 250 forca ushtarake amerikane, Shervan thotë se kompetencën për këtë e ka koalicioni ndërkombëtar, dhe se për këtë çështje duhet të deklarohen SHBA-të që kanë vendosur të dërgojnë forca shtesë në Siri, për shkak të avancimit të cilin e kanë arritur forcat demokratike të Sirisë.
Në lidhje me efikasitetin e forcave amerikan në terren dhe asaj çfarë ato mund të arrijnë, eksperti ushtarak, koloneli Adib Alawi thotë se ato do të paraqesin një faktor lehtësues në luftën kundër ISIL-it. Megjithatë, kufizimi i misionit të tyre vetëm në trajnim sipas fjalëve të tij, nuk do të çojë deri te përfundimi i luftës, edhe në rast se numri i tyre do të dyfishohet.
Alawi thotë se Washingtoni me siguri do të dërgojë këta luftëtarë me qëllimin që të pozicionohen krahas forcave demokratike të Sirisë, duke marrë parasysh prezencën e tyre në zonën të cilin tashmë SHBA-të i sheh si pjesë e tortës siriane, ku Amerika i ka edhe bazat e saj ushtarake të cilat i mbron nga ISIL-i.
Përgatiti: Jeton Zenuni – /teshesh.com/
