Pavarësisht se tingëllon si një mënyrë e çuditshme dhe e vrazhdë e të ngrënit, megjithatë kjo e ashtuquajtur “mënyrë e vrazhdë” është shumë më e shëndetshme dhe, besoni apo jo, mund t’ju mbrojë nga gjendje të caktuara shëndetësore.
Parandalimi i diabetit tipi 2
Njerëzit që hanë shpejtë, janë në rrezik më të lartë të zhvillimit të diabetit tipi 2. Në përgjithësi, në qoftë se përdorni pirun dhe thikë, ju do të hani shumë më shpejt sesa me duart tuaja. Për këtë arsye, është më mirë që të hani në “mënyrë të vrazhdë” sa herë që të mundeni.
Fjala vjen, ju mund të zini vetëm një patate të skuqur kur të hani me duart tuaja, kurse me pirun ju mund të zini deri 5-6 copë.
Përmirësimi i tretjes
Kjo mund të tingëllojë e çuditshme, por të ngrënit me gishtat tuaj mund të përmirësojë tretjen, ngase kur ju lani duart me sapun, të gjitha bakteriet e këqija largohen, ndërsa bakteret e mira mbeten në duart tuaja, të cilat mund të jenë shumë të shëndetshme për stomakun dhe zorrët.
Gjithashtu, të ngrënit me gishtat tuaj i dërgon sinjal trurit në lidhje me ushqimin nëse është i fortë apo i butë, i nxehtë apo i ftohtë, dhe e përgatit sistemin tretës për tretjen e ushqimit.
Parandalon mbingopjen
Njerëzit që hanë me duar kanë peshë më të shëndetshme të trupit ngase ata nuk hanë shumë. Kjo mund të jetë veçanërisht e mirë për fëmijët, normalisht nëse prindërit e tyre i lejojnë ata për të ngrënë me duar. Kjo konsiderohet si rruga më e sigurt për të mbajtur peshën normale.
Për më tepër, njerëzit të cilët krahas të ngrënit bëjnë edhe veprime tjera, p.sh. shikojnë televizor, hanë më tepër ushqim se ata që zakonisht ulen në tavolinë dhe vetëm hanë.
Kur ju hani me të dy duart, nuk jeni në gjendje që të bëni ndonjë veprim tjetër, ngase duart tuaja nuk janë të pastra ose janë zënë ndërkohë. Prandaj, ju jeni të fokusuar vetëm në procesin e të ngrënit, dhe kështu do ta dini sesa shumë ushqim keni ngrënë dhe kur është koha për të ndaluar. /tesheshi.com/
