U zgjua në mëngjes me një palë syze të bëra tatuazh përreth syve pas një nate të kaluar me miqtë në një festë ku ka konsumuar pa masë pije alkoolike. Vetëm pas dy viteve vendosi të heqë nga fytyra atë tatuazh të shëmtuar, i cili mbante edhe markën Rayban, duke eliminuar përherë atë kujtim të shëmtuar nga një aventurë aspak e këndshme. Burri nga Swansea, në jug të Galles, ishte kaluar fundjavën në Blackpool përpara se të zgjohej me atë ‘dhuratë’ në fytyrën e tij.
Vetëm tani ka pranuar të flasë për historinë e tij me kushtin që emri të mos bëhej publik. “Sapo u ktheva në shtëpi, të gjithë më shikonin me çudi ndaj unë vendosa ta mbaj atë tatuazh. U mësova me të, mirëpo gjatë një mbrëmje me miqtë e mi, ata nisën të talleshin me mua gjatë gjithë kohës duke më vënë në siklet. Në këtë mënyrë vendosa të mos turpëroja më veten, miqtë dhe familjen”,- tregon ai.
Burri iu drejtua një klinike bukurie në Galles për të eliminuar atë kujtim të hidhur. Trajtimi la disa gjurmë në lëkurë, por bëhet fjalë për shenja të cilat me kalimin e kohës do të zhduken./tesheshi.com/
