Nëse ndonjëherë keni vendosur të hidhni në kosh videokasetat e famshme të cilat patën jë sukses tejet të madh disa vite më parë, mendojeni dy herë këtë vendim të marrë.
Jua themi këtë gjë për një arsye shumë të thjeshtë: ndodhemi në kohën kur termi vintage është shndërruar në një domosdoshmëri të modës dhe të ripërdorimit të asaj që ka qenë tendencë një herë e një kohë dhe që ka ngelur në harresë gjatë një kohe tjetër.
Videokasetat mund të kthehen në objekte me vlerë shumë të madhe vitet e ardhshme. Gazeta ndërkombëtare Parcel Hero ka dërguar një email, nëpërmjet së cilit këshillon njerëzit të mos i hedhin në kosh videokasetat pasi mund të shndërrohen në një objekt shumë të dashur dhe të përdorur gjatë viteve të ardhshme.
Një videokasetë e Star Wars, siç bën me dije il Messaggero, është shitur kundrejt vlerës prej 100 eurove në Ebay dhe ky çmim pritet të rritet gjatë muajve të ardhshëm, duke parë se interesi i koleksionistëve sa vjen dhe rritet. Mos u trishtoni nga fakti se një objekti të caktuar i ka kaluar koha: mjafton të dini dhe të gjeni mënyrë e duhur dhe përherë do të përfitoni prej tij./tesheshi.com/
