Giant Hogweed-Heracleum mantegazzianum, e gjetur në Hungari, është një bimë e cila ka nisur të shpërndajë frikë dhe panik në rrjetet sociale. Kjo bimë, me lule të bukura të bardha, mund të shkaktojë dëme serioze në lëkurë, madje edhe verbëri të pjesshme apo tërësore.
Fotografitë janë me të vërtetë të frikshme. Kjo bimë, e cila është gjetur me shumicë në Hungari, është shumë e rrezikshme dhe pasojat e saj mund t’i shikoni edhe vetë në foto. Mjafton vetëm të prekni gjethet apo lulen e saj dhe shenjat do të shfaqen menjëherë (disa shenja djegieje), të cilat do të zgjasin disa muaj dhe pas trajtimesh të shumta do të largohen duke lënë një shenjë ngjyrë kafe në lëkurë.
Bima është 2-5 metra e lartë. Ajo ka një lule të bukur t bardhë. Helmi i bimës është kancerogjen dhe nëse ai arrin të prekë pjesën e syve, mund të shkaktojë verbëri, e cila përgjithësisht është e pashmangshme dhe nuk mund të trajtohet në asnjë mënyrë mjekësore. Është shumë e vështirë të kurohemi nga efektet e kësaj luleje. Shmangni kontaktin me të dhe nëse e vini re në ndonjë ambient, mos u joshni nga lulet e saj të bukura ngjyrë të bardhë.
Ka të dhëna në literaturën mjekësore që tregojnë se kjo është një nga bimët më të rrezikshme që rriten në tokë. Helmi i saj shkakton fotodermatitis. Nëse ndonjëherë bini në kontakt me këtë bimë, mundohuni të mos e lini lëkurën të jetë në kontakt me diellin dhe shpërlajeni me ujë të ngrohtë, deri sa të kontaktoni në mënyrë të menjëhershme mjekun./tesheshi.com/
