Përdorimi i internetit wireless që ofrohet në dhomat e hoteleve, në fakt mund të mos jetë aspak një ide e mirë. Sipas një studimi të bërë nga shoqëria e sigurisë Cylance, një model ruteri shumë i përdorur nga hotelet në botë, ka rezultuar mjaft difektoz.
Sipas studimit, modemi jo vetëm që mundet të futet dhe të marrë të dhënat personale të përdoruesit, por më keq akoma, aparati mund të ndjekë dhe të vihet në gjurmët e kodeve të eksesit në dhoma, pagesës së faturave etj.
Pra, me pak fjalë, në rast se ky modem hakohet nga persona të paautorizuar, ata kanë mundësinë të hyjnë në databazë, të kopjojnë të dhënat e kartave të kreditit, të përdorura nga klientët e hotelit, por edhe të ndryshojnë parametra të dhomës, që kanë lidhje me rritjen e temperaturës, fikjen apo ndezjen e dritave etj./tesheshi.com/
