Gjykata Themelore në Pejë e ka shpallur fajtor të akuzuarin Bali Berisha, i cili ka pranuar fajësinë se me dokumente false kishte përfituar nga pensioni për veteranët e luftës së UÇK-së.
Sipas aktgjykimit, i pandehuri fillimisht kishte marrë dënim me kusht prej një viti, mirëpo që nuk do të ekzekutohet nëse ai nuk kryen ndonjë vepër tjetër penale brenda periudhës dy vjeçare.
Ndaj të akuzuarit Berisha, është shqiptuar edhe dënimi plotësues, kompensimi i dëmit në vlerë prej 1.190 euro, si dhe urdhri për publikimin e këtij aktgjykimi. Berisha, ka deklaruar se e pranon fajësinë për veprën penale me të cilën ngarkohet.
“E ndjej veten fajtor se dokumentet i kom dorëzuar personalisht në zyrën e veteranëve, në Pejë”, ka thënë ai.
Në aktakuzë thuhet që i pandehuri me dokument të falsifikuar dhe atë me certifikatë mbi statusin e veteranit luftëtar, si dhe me vërtetim po ashtu fals, ka arritur të përfitojë statusin e veteranit luftëtar, duke përfituar pagë mujore prej 170 euro. /tesheshi.com/
