Policia e Shtetit zbardhi sot ngjarjen që raportuan të shtunën mediat greke, ku një person ishte marrë peng nga bashkëkombësit e tij dhe i kërkoheshin 10 mijë euro. Policia shqiptare thotë se për këtë peng marrje u alarmuan autoritetet në Tiranë.
Në një deklaratë thuhet se “me 23 gusht në darkë janë arrestuar 4 shtetas shqiptar, 3 meshkuj 19, 41 dhe 49-vjec dhe nje femër 35-vjece.
Pas njoftimit nga Interpol, me dt.23 gusht u organizua operacioni dhe u lirua pengu e u arrestuan autoret”, tha policia greke.
Falë inicimit nga Policia e Tiranës, dhënies së informacionit në kohë reale nga ana e Policisë greke me adresën e saktë të vendndodhjes së pengmarrësve dhe mbajtjes së pengut, kjo e fundit bëri të mundur lirimin e pengut dhe arrestimin e katër shtetasve.
Specialistët e Sektorit për Hetimin e Krimeve të Rënda morën informacion se në një fshat të Korinthos, disa persona për motive të dobëta kishin marrë peng një shtetas nga Tirana dhe i kërkonin 10.000 euro për ta lënë të lirë.
Policia e Tiranës, falë informacionit të grumbulluar bashkëpunoi me policinë greke, gjë që beri te mundur arrestimin në flagrancë të shtetasve: Xh.N., 49 vjeç, banues në Tiranë. H.M., 35 vjeçe, banuese në Tiranë. B.M., 41 vjeç, banues në Tiranë. M.M., 19 vjeç, banues në Tiranë.
Gjithashtu, si rezultat i ndërhyrjes në kohë është bërë i mundur lirimi i pengut, shtetasi J. T., banues në Tiranë. /tesheshi.com/
