Rindërtimi i urës “Morandi” në Xhenova, shembja e së cilës javë më parë shënoi një ndër tragjeditë më të mëdha rrugore, do të kushtojë 150-200 milionë euro, njoftuan autoritetet lokale.
Punimet do të kryhen nga kompania shtetërore Fincantieri, në bashkëpunim me Autostrade per l’Italia, tha guvernatori i Liguria-s, Giovanni Toti. Pra, e akuzuara e madhe e tragjedisë, Autostrade per l’Italia, do jetë ajo që dhe do e rindërtojë. Tek ajo, si kompani mirëmbajtëse e rrugës, u derdh e gjitha pesha e akuzave, të cilat nuk u pranuan kurrë nga drejtues të saj.
“Rindërtimi do të kushtojë midis 150 dhe 200 milionë euro, ku vetëm, heqja e urës së vjetër vetëm, përfshirë dhe kompensimin e viktimave, do marrë 10-12 milion euro”, tha Toti.
Ministri i Transportit, Danilo Toninelli, i cili është anëtar i 5 Yjeve, tha se Autostrade per l’Italia duhej të paguante për projektet e rindërtimit, pa u përfshirë në role të tjera. por Toti e refuzoi një qëndrim të tillë.
“Fincantieri do të ketë rolin udhëheqës në rindërtimin, së bashku me një grup kompanish, ku përfshihet dhe Autostrade per l’Italia”, tha ai. /tesheshi.com/
