Diego Costa po kalon momentet e fundit në Londër si futbollist i Chelsea. Spanjolli nuk është në planet e trajnerit Antonio Conte dhe nuk po stërvitet me klubin e tij.
Kjo ka bërë që për Costa të shfaqin interesim skuadra të mëdha evropiane. Dëshira e tij është rikthimi në Spanjë te Atletico Madrid, skuadër që ka luajtur më parë.
Por kjo gjë nuk është e mundur pasi ‘Los Colchoneros’, janë të dënuar nga FIFA. Së fundmi në garë për sulmuesin është futur edhe gjiganti francez Monaco.
Kampionët në fuqi të Francës janë të gatshëm të ofrojnë 50 milionë euro për transferimin e Costas në Ligue 1.
Për 28-vjeçarin interesim kanë shprehur edhe Milan, Marseille, Everton dhe Besiktas. /tesheshi.com/
