Kryeministri Rama është vënë në një tjetër pozitë të vështirë në raport me zhvillimet ndërkombëtare. Presidenti Trump iu është drejtuar vendeve të NATO-s që të dëbojnë diplomatët rusë në vendet e tyre, si masë kjo ndaj Moskës e cila akuzohet për helmimin e ish-agjentit Sergey Skripal dhe vajzës së tij.
Helmimi ndodhi në Britaninë e Madhe dhe Londra e ka konsideruar këtë si shkelje territoriale. Kjo ka çuar në një krizë të paprecedentë me Moskën, ku tashmë është përfshirë dhe Shtëpia e Bardhë.
Uashingtoni ka paralajmëruar dëbimin e diplomatëve rusë, po ashtu si Britania, por tani kjo po u kërkohet dhe vendeve të tjera.
Kryeministri Rama nuk ka shfaqur në asnjë rast preferenca për Moskën, madje e ka shprehur hapur antipatinë e tij politike, por nga ana tjetër të njëjtën “ftohje” rezervon dhe për Trump. Rasti më i fundit, ajo e votimit kundër Jerusalemit si kryeqytet i Izraelit, e tregon këtë. Vështirë të nuhatet se çfarë do bëjë…/tesheshi.com/
