Der Spiegel ka raportuar në një artikull se në Gjermani ka një rritje të skepticizmit mbi miqësinë me Izraelin.
“Po rritet perceptimi në qeverinë gjermane se Netanyahu është duke e shfrytëzuar miqësinë tonë,” citon e përjavshmja gjermane Rolf Mutzenich-in, një anëtar të spikatur të socialdemokratëve të SDP-së.
Së pari ka reaguar një zyrtar i lartë izraelit, i cili nuk ka dashur të identifikohet. Ai ka pohuar se marrëdhëniet e vendit të tij me Gjermaninë mbeten të mira.
“Marrëdhëniet midis Izraelit dhe Gjermanisë janë dhe do të vazhdojnë të jenë të ngushta dhe të mira.”
Zyrtari izraelit i ka parë komentet si një përpjekje në politikën gjermane nga anëtarët e SDP-së për ta sulmuar kancelaren Merkel për lidhjet e ngushta me kryeministrin Netanyahu.
Gjermania, sipas Der Spiegel-it, ka mbështetur një rezolutë të BE-së që i dënon ngulimet izraelite si ilegale nën ligjin ndërkombëtar.
Në këtë kuadër ka reaguar dhe një zyrtar gjerman, të cilit po ashtu nuk i është mësuar emri. Zyrtari i qeverisë gjermane i ka mohuar zërat sipas së cilave Merkel-i mund t’i japë fund mbështetjes pa kushte për Izraelin për shkak të zhgënjimit me politikat e Netanyahu-t.
“Vijat e politikës gjermane për Lindjen e Mesme nuk kanë ndryshuar,” ka deklaruar ai.
Gjermania e ka mbështetur Izraelin për dekada me radhë, por Unioni Kristiandemokrat i Merkel-it ngjan të jetë më i prirur për nga vendi hebre se SDP-ja. /tesheshi.com/
