Duke marrë shkas nga mohimi që po i bëhet masakrës së Reçakut nga ana e Beogradit, ku dhe presidenti Vuçiç është pozicionuar si mohues, ka reaguar dhe presidenti Thaçi.
Kreu i shtetit kosovar bën një krahasim me holokaustin në këtë rast, kur shprehet: “Krerët e Serbisë po mundohen para botës të mohojnë krimet, spastrimin etnik dhe gjenocidin e kryer nga ushtria e Serbisë në Kosovë.
Të mohosh gjenocidin e Serbisë kundër shqiptarëve në Kosovë është sikur të mohosh Holokaustin e nazizmit të Hitlerit.
Ka vetëm një dallim: Holokausti është dënuar, kurse krimet e Serbisë po kalojnë po u ndëshkuar nga bashkësia ndërkombëtare!
Një qasje e tillë e Serbisë nuk është aspak ndihmuese për procesin e normalizimit të marrëdhënieve ndërshtetërore dhe pajtimin!”, shkruan Thaçi.
Një ditë më parë, reagoi edhe kryeministri Haradinaj, por dhe Brukseli, duke denoncuar qëndrimin serb.
Siç dihet, masakra e Reçakut 20 vite më parë, ishte dhe nisja e reagimit ndërkombëtar ndaj asaj çfarë po ndodhte në Kosovë. /tesheshi.com/
