Shefja e Diplomacisë se BE-së kërkoi që Turqia të qëndrojë e bashkuar kundër terroristëve dhe kërcënimeve të tjera, pas atentati në Ankara, ku vdiqën të paktën 86 persona.
“Populli turk dhe të gjitha forcat politike duhet të qëndrojnë të bashkuara përballë terroristëve dhe kundër të gjithë atyre që përpiqen të destabilizojnë vendin, që po përballet me shumë kërcënime”, deklaroi Mogherini në një komunikatë të përbashkët me Komisionerin për Zgjerim të BE-së, Johannes Hahn.
Të paktën 86 persona humbën jetën dhe 126 të tjerë janë plagosur pas një shpërthimi të dyfishtë afër stacionit të trenit në Ankara para një manifestimi për paqe dhe demokraci./tesheshi.com/
