Duke apeluar sërish për hapjen e negociatave me Tiranën dhe Shkupin, shefja në ikje e diplomacisë europiane, Federica Mogherini, ka përdorur dhe fjalën “pendim”.
“Interes për të sjellë Ballkanin Perëndimor në BE. Ballkani Perëndimor në BE, në dobi të të gjithëve ne. Tani është koha që të jemi të mençur dhe nëse nuk e bëjmë do të pendohemi shpejt”, tha Mogherini, e ndodhur në një konferencë të ambasadorëve të BE-së.
Diplomatja italiane ka qenë e mbetet një ithtare e hapjes së negociatave dhe zgjerimin, por e kontestuar nga ana tjetër për dështimin e menaxhimit të dialogut Prishtinë – Beograd. /tesheshi.com/
