Nga Magdeburgu ku morri çmimin e qytetit “Mbreti Oto i Madh”, përfaqsuesja për Politikë të Jashtme në BE, Federica Mogherini, tha se vetëm me Ballkanin në Bashkimin Europian, Europa do të ndihet vërtet e bashkuar.
Duke iu referuar faktit se Magdeburgu ka një binjakëzim me Sarajevën, gruaja që përfaqëson diplomacinë e Brukselit, tha:
“Ashtu si Sarajeva edhe pjesa tjetër e Ballkanit është Evropë. Njerëzit nga Ballkani janë evropianë. Kontinentit ynë do të bashkohen vetëm atëherë kur Ballkani në fund të bëhet pjesë e Unionit tonë”, tha Mogherini.
Ajo shtoi se do të angazhohet personalisht që deri në fund të mandatit të saj të gjitha vendet e Ballkanit të ndërmarrin hapa drejt anëtarësimit në BE.
“Unë besoj se kjo është e arritshme. Kjo është ajo që ata duan dhe kjo është ajo që ne kemi nevojë për kontinentin dhe sigurinë tonë”, tha Mogherini. /tesheshi.com/
