Udhëheqësja e politikës së jashtme të Bashkimit Evropian, Federica Mogherini u ankua të hënën se Evropa po kalon nëpër një kohë të vështirë të mbajtjes së kontakteve me autoritetet e SHBA në mënyrë efektive.
Duke iu përgjigjur pyetjes së Euroneës, se si po arrin BE-ja “të vazhdojë dialogun me administratën aktuale të SHBA-së, e cila mbështetet në “Twitter diplomaci?”, Mogherini tha se blloku është në kontakt me SHBA-në” në të gjitha nivelet dhe me një zë”.
“Ndonjëherë më kujtohet batuta e Henry Kissingerit: “Kë duhet ta kërkoj, nëse telefonoj Evropën?” Tani SHBA ka numrin e Evropës, por është radha jonë të pyesim: ‘Kë duhet ta kërkojmë në linjë kur telefonojmë Uashingtonin?’ Por ne shpesh flasim dhe jemi ende duke punuar mirë së bashku në një numër çështjesh”, tha Mogherini.
Që nga zgjedhja e Presidentit të SHBA, Donald Trump, BE dhe SHBA nuk janë pajtuar për çështje që variojnë nga marrëveshja bërthamore e Iranit, ndryshimet klimatike dhe tregtia.
Aleatët tradicionalë të Uashingtonit në Evropë në fillim ishin të kujdesshëm në qasjen e tyre ndaj Trump, duke shpresuar se ai do të ndryshojë me kalimin e kohës dhe përvojën e tij në Zyrën Ovale.
Por ata u zemëruan me synimin e Trump-it për t’u tërhequr nga marrëveshja e Iranit dhe u bashkuan në përgjigjen e tyre. /tesheshi.com/
