Federica Mogherini e ka nisur vizitën e saj në Tiranë me një mesazh të drejtpërdrejtë dhe të qartë.
Në një takim me studentët e Universitetit të Tiranës, ajo tha se BE është gati t’i hapë negociatat me Shqipërinë, por vetëm pas nisjes së Vetingut dhe sitës së gjyqtarëve e prokurorëve të korruptuar.
“Zgjerimi është një zgjedheje e përbashkët që ne po e bëjmë së bashku dhe ka të bëjë me vendime të përbashkëta që ne i ndajmë me njëri-tjetrin. Tani e ka Shqipëria në dorë të marrë hapin përpara.Janë qytetarët që duan një Reformë në Drejtësi që shteti të funksionojë më mirë dhe jo Brukseli. Ndaj është përgjegjësi e institucioneve që ta përmbushin këtë reformë. Një sistem i pavarur i drejtësisë lufton krimin e organizuar, korrupsionin, do të tërheqë të rinjtë e interesuar për biznes dhe investitorët. Ka ardhur koha që Shqipëria të marrë hapat e duhura, ne nga ana jonë jemi gati të hapim negociatat”, tha njeriu në krye të diplomacisë së Brukselit. /tesheshi.com/
