Bashkimi Europian ka certifikuar zgjedhjet parlamentare të 25 qershorit, duke i cilësuar si një hap përpara drejt integrimit.
Në një deklaratë të përbashkët, shefja e diplomacisë të BE-së, Federica Mogherini dhe Komisioneri i Zgjerimit, Johanes Hahn, i kanë kërkuar Edi Ramës të nisë menjëherë reformat.
Deklarata:
“Zgjedhjet parlamentare të Shqipërisë më 25 qershor u zhvilluan në mënyrë të qetë dhe të rregullt. Qytetarët patën alternativa të gjera politike në një fazë të rëndësishme të procesit të integrimit të Shqipërisë në BE.
Sipas konkluzioneve paraprake të Misionit të Vëzhgimit të Zgjedhjeve të OSBE/ODIHR, kandidatët kishin mundësi të bënin lirshëm fushatë dhe liritë themelore të grumbullimit dhe shprehjes u respektuan. Korniza zgjedhore në përgjithësi siguroi një bazë të përshtatshme për zhvillimin e zgjedhjeve demokratike”. /tesheshi.com/
