Shefja e politikës së jashtme të BE-së, Federica Mogherini dhe komisioneri për zgjerim dhe fqinjësi të mirë, Johannes Hahn i kanë shkruar ministrit të Jashtëm të Kosovës, Enver Hoxhaj.
Mogherini e garanton mbështetjen e saj për Kosovën në rrugën drejt Bashkimit Evropian, ndërsa shpreh bindjen se e ardhmja jo vetëm e Kosovës por edhe e gjithë Ballkanit është në familjen e BE-së.
Edhe Hahn në letrën e tij thotë se do të vazhdojë të jetë i përkushtuar në objektivin e një të ardhmeje të përbashkët të Kosovës, Ballkanit dhe Bashkimit Evropian.
“Siç e kemi theksuar edhe bashkërisht, e ardhmja e Kosovës dhe e Ballkanit Perëndimor është e lidhur direkt me Bashkimin Evropian. Ndaj me ju përkushtimin për perspektivën Evropiane të Kosovës dhe rajonit, dhe dua t’ju siguroj se do të vazhdoj pa u ndalur ta ndjek këtë objektivë”, ka shkruar Hahn.
Korrespondenca vjen pas vizitës që Hoxhaj bëri në Bruksel gjatë muajit maj. /tesheshi.com/
