Asnjë nga vendet e Ballkanit Perëndimor nuk do të mund të anëtarësohet në BE në të paktën dy vitet e ardhshme. Deklarata është bërë nga përfaqësuesja e lartë e BE-së për Politikën e Jashtme, Federica Mogherini, gjatë një interviste për televizionin slloven RTV. Ajo shtoi se vendet e Ballkanit, që synojnë anëtarësimin, janë ende në fillim të reformave
Sipas saj, proçesi i zgjerimit në BE nuk është ndalur, por BE nuk do të ketë anëtarë të rinj, dhe se ky është realiteti.
Sipas saj, asnjë nga vendet e Ballkanit Perëndimor nuk ishte gati për t’u bërë pjesë e BE-së para tre vjetësh. Por Mogherini shtoi se proçesi i anëtarësimit të funksionojë duhen reforma ekonomike, gjyqësore dhe institucionale, si dhe bashkëpunim me fqinjët, duke kujtuar se pikërisht në Ballkan u bëmë dëshmitarë të luftës së fundit në Evropë, 20 vjet më parë.
Ajo këmbënguli se synimi i saj personal është që në përfundimin e mandatit të Komisionit të BE-së, kemi edhe dy vjet, të gjashtë partnerët në Ballkanin Perëndimor të jenë në një pikë të tillë që proçesi të jetë i pakthyeshëm.
Për sa i përket një ndikimi më të madh të SHBA dhe Rusisë në Ballkan, Mogherini u shpreh se nuk ishte e shqetësuar. “Fuqia tërheqëse e BE-së në Ballkan është shumë e fuqishme. Madje rreth 70-80% e njerëzve në Ballkan e mbështesin BE-në, shifra që vetëm mund të ëndërrohen brenda BE-së”, tha ajo.
Mogherini tha se nëse BE dhe shtetet anëtare do të jenë koherentë në dhënien e mbështetjes për këto vende, nuk ka Turqi, Rusi apo shtete të Gjirit që të maten me të. /tesheshi.com/
