Moderna është kompania e dytë amerikane që publikon rezultatet përfundimtare të një studimi të madh mbi vaksinën e saj eksperimentale të koronavirusit, duke deklaruar se efektiviteti i vaksinës së saj është 94.1 përqind.
Kompania sot do të kërkojë miratimin për përdorim emergjent nga Administrata e Ushqimit dhe Barnave të SHBA (FDA) dhe miratimin me kusht nga Bashkimi Evropian, raporton Reuters.
Analiza e kompanisë u bazua në 196 raste të COVID-19, nga të cilat 185 morën një placebo dhe 11 morën vaksinën.
Siç thuhet, kishte 30 raste të rënda në grupin e njerëzve që morën një placebo, dhe asnjë prej tyre nuk ishte regjistruar në mesin e atyre që morën vaksinën.
Shkalla e suksesit ishte vetëm pak më e ulët se rezultatet e analizës së përkohshme prej 94.5 përqind, por Moderna tha se ndryshimi ishte “statistikisht i parëndësishëm”.
Para Moderna, Pfizer dhe BioNTech njoftuan se vaksina e tyre ishte 95 për qind efektive. /tesheshi.com/
