Viti i ri duket se ka sjellë me vete një modë të re sociale, ose ndoshta edhe një mënyrë të re për të krijuar miqësi me persona të panjohur. Quhet ‘text door neighbour’ që në shqip do të thotë ‘mesazhet e derës ngjitur’, e nuk janë gjë tjetër veçse mesazhe që i dërgohen personave që kanë numrin e telefonit të njëjtë, me përjashtim të shifrës së fundit, i cili mund të jetë një numër më i madh apo më i vogël sesa numri i personit që është duke dërguar mesazh.
Për shembull, nëse numri përfundon me 963, personat me të cilët mund të lidhni miqësi apo të dërgoni mesazhe, numri iu përfundon me 962 apo 964.
Mirëpo, jo të gjithë kanë qenë të kënaqur që kanë marrë mesazhe nga persona të panjohur e madje disa kërcënojnë se do të telefonojnë policinë, por ka edhe nga ata që kanë ngelur mjaft të lumtur nga miqësitë e reja që kanë krijuar.
Disa mesazhe miqësie kanë përfunduar edhe në Twitter, e ndoshta mund të jetë një modë që shumë shpejt do të përhapet edhe në vendin tonë./tesheshi.com/
