Informatori amerikan, ankesa e të cilit ka çuar në një mocion kundër presidentit Donald Trump, është një zyrtar i CIA-s.
Zyrtari, identiteti i të cilit nuk dihet, dikur punonte në Shtëpinë e Bardhë, thonë mediat amerikane.
Informatori thotë se zyrtarë të lartë brenda Shtëpisë së Bardhë u përpoqën të “kyçin” të gjitha detajet e bisedës telefonike mes z.Trump dhe presidentit ukrainas.
Trump, raporton BBC, ka kërkuar të dijë se kush i dha informata agjentit të CIA-s, i cili kishte pasur një rol të ngjashëm me spiunim.
Në telefonatën e zhvilluar më 25 korrik, z. Trump e shtyu Volodymyr Zelensky të hetojë rivalin e tij kryesor politik demokrat, Joe Biden.
Ankesa, e lëshuar të enjten, thotë se transkripti i thirrjes nuk ishte ruajtur në sistemin e zakonshëm kompjuterik. Në vend të kësaj ajo ishte e ruajtur në një sistem të veçantë të përdorur për informacion të klasifikuar.
Demokratët akuzojnë z. Trump se po kërkonte ndihmë të shteteve tjera për njollosjen e Z. Biden – i cili po kërkon mbështetjen e demokratëve për zgjedhjet presidenciale të vitit 2020. Trump thuhet më tej se e ka përdorur “ndihmën ushtarake për Ukrainën si një mjet bisedimesh”.
Trump, në anën tjetër mohon çdo pretendim dhe ka hedhur poshtë procedurat e fajësimit si një “mashtrim” dhe “një tjetër gjueti shtrigash”. /tesheshi.com/
