Federata Sindikale e Shëndetësisë së Kosovës i është ankuar kryeprokurorit të shtetit, Aleksandër Lumezi, se jo të gjithë mjekët po hetohen për mitmarrje, më saktë kardiologët, por vetëm disa mjekë të profileve të ndryshme.
Në njoftim thuhet se sindikata ka insistuar që të zbatohen të gjitha ligjet e aprovuara në Parlamentin e Kosovës gjë e cila do t’i parandalonte dukuritë negative në Shëndetësi, ku më e përhapura është ajo e mitmarrjes.
Sindikata po ashtu ka insistuar që të mos bëhen publike emrat e punëtorëve shëndetësor që janë nën hetime derisa të merret vendim i formës së prerë nga ana e gjykatës për fajësinë e tyre. /tesheshi.com/
